ان شاء الله جمعه مباركه علينا كلنا وكل يوم وكل الزمالكاوية بخير
كلنا دلوقتى طبعا مستنيين ماتش القمه يوم الاحد واللى هيحدد بشكل كبير مكاننا فى البطولة الافريقية.........
مفيش شك ان قلوبنا كلنا مجروحة قوى من اللعيبه والفرقه والاداء وحاجات كتييييييييييييييير
لكن مفيش شك برضو اننا جوانا حب كبيييييييييييير قوى لنادينا وحبيبنا اللى لولاه ماكنا زعلنا ولا حطينا فى دماغنا عمايلهم اللى مالهاش موقع من الاعراب..........
لكن هل هنسيب الفرقه تواجه لوحدها اللى مستنيها لو كان على اللعيبه نرميهم فى صحرا للوحوش ياكلوهم ..لكنهم فى الاول والاخر لسه بيمثلوا نادينا..هنسيبهم لوحدهم فى وش المدفع
لما بنتفرج على الماتشات بنعرف النتيجه من أول لحظه بيبقى شكل الملعب باين والبوادر ظاهرة
هنسيب فرقتنا لوحدها فى وش جمهور محدش يقدر يوصفه بالكلام لان الكلام يعجز عن وصف اخلاقه المشينه.........
علشان وقعوا نسيبهم لوحدهم ونسيب اخر امل لينا فى التأهل علشان يستفردوا بيهم ويعملوا اللى عاوزينه .......نسيبهم يقطعوا ف نادينا ونقعد نحرق فى دمنا فى بيوتنا ونزعل ونعيط لما نطلع م البطولة.............
كل الكلام هنا مش هيجيب نتيجه لازم كلنا على قلب واحد فى مكان واحد .......مكاننا فى الاستاد بينادينا ومستنى ننصر فرقتنا ونقومها ونوقفها على رجليها من تانى
ياما كان اداءهم مش قوى بس وجودنا عمل ليهم روح مش فيهم ياريت نكرر يوم الكاس وندافع عن حقنا ف نادينا ونقول لكل الناس احنا موجودين ورا نادينا.........وعمرنا مانسيبه ......ولو خسرنا يبقى خسرنا بشرف وماقصرناش فى حق الزمالك..........
فى كلامهم ثقة وزعامه ان الماتش محسوم ليهم بيقولوا علينا الفراخ البيضا
وبيحسبوا النتيجه هتبقى كام ليهم ..........نسيبهم يساعدوا فرقتهم ويدوها ثقة مش ف محلها ونقعد نغنى على الزمن اللى راح .............يبقى ليهم حق يعملوا اكتر من كده........
مفيش زمالكاوى مخلص هيسيب ده يحصل لفرقته .....علشان خاطر بطولة ضحى واحضر ماتش وساند فرقتك واديها الامل الاخير وفرصة يستغلوها ويبدأوا منها مشوار جديد........
اتمنى من كل زمالكاوى اصيل وكل جمهور الزمالك اصيل انه يسامح الفرقه ويديهم الفرصه دى ويساعدهم بجد من قلبه يمكن اخلاصنا وحبنا يشفعوا ليهم عند ربنا ويوفقهم علشان خاطرنا
ساعدوا الفرقه وربنا مش هيخذلنا أبدا أبدا.........
من هنا بوجه كلمة شكر للالتراس الزمالكاوى انه كان دايما ورا الفرقه وارجو ان كلنا من النهاردة نبقى التراس ويد واحده وقلب واحد ورا فرقتنا مهما حصل....
اتمنى اشوف يوم الاحد واستاد القاهرة ده ثكنه عسكرية بيضاااااااااااااااء مافيهاش لون تانى غير خطين حمر بيزينوا فانلتنا الحبيبة ..........
لو ده حصل وان شاء الله يحصل احب اهنيكم واهنى كل زمالكاوى ان القمة دى لينا باذن الله والفوز من نصيب الاجدر والاحق وان شاء الله احنا الاحق..........
فى انتظار كل زمالكاوى يوم الاحد فى استاد القاهرة........علشان نحتفل كلنا بعودة المارد الابيض
وكل يوم وانتم طيبين
الجمعة سبتمبر 12, 2008 5:32 pm
