امثال غريبه جدا (( تفطس من الدحك ))

بسم الله الرحمن الرحيم

يا جماعه دى شوية امثال غريبه بس انا حابب اننا نعمل موسوعه للأمثال الغريبه دى
يعنى كل واحد يدخل الموضوع لازم يرد و يقول مثل غريب و انا مستنى الامثال بتاعتكم

إلى إيده فى الميه مش زى إلى ايده فى دورة الميه

دارى على شمعتك تبيض

اللى بيته من إزاز ميغيرش هدومه فى الصالون

فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

جت الحزينه تفرح شغلت شريط حكيم وقعدت ترقص

قال يامحششين يكفيكوا شر الكمين

اللى ياكل لوحده يشبع

لاتبكى على اللبن فى البسكوت

اقطع عرق و حته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

المال السايب يعلم الطلبه

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

حجه البليد بصرف فلوسى على الوييد

المركب اللى فيها رايسين يلعبوا طاولة

اللى خدتوا الأرعه تخدو ام الخلول

what اللى ميعرفش يقول

أكل العيش يحب الطعميه

lenses العين عليها

قاوا للحرامى أحلف قالهم وحياة قلبى وأفراحوا

مسير الحي يتسفلت

أمثــــــال عربيــــات النقــــل

متبصليش بعين رضيه دنا طلع عيني فى السعوديه

ربنا يحميكى من الميكانيكى
s
الحلوة أسمها تفاحة للسفر والسياحة

الحلوة من حلوان وصاحبها راجل غلبان

الحلوة من دمياط وعليها أقساط

قصه كفاح مش جايه على المرتاح

متزمروش يابهايم دا السواق نايم

اجرى جري الوحوش اوتوبيس 7.10 ماتلحقوش

امثال هايله ياشافعي

عدد الرسائل : 163 تاريخ التسجيل : 22/06/2008

ههههههههههههههههه

انت بتجيب الحاجات دى منين يامصطفى