التطور الطبيعى للرجل

التطـــــــــور الطبيــــــــــــعى للرجل





بحبك
بعد 6 اسابيع : بحبك بحبك بحبك ... بحبك
بعد 6 شهور : اكيد بحبك
بعد 6 سنين : ياساااااااتر ! يعنى لو مش بحبك كنت هاتجوزك ليه ؟؟؟



بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل ؟؟


جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع


وقت الغدا
بعد 6 اسابيع : ماكنتش اعرف ان نفسك حلو اوى كدة
بعد 6 شهور : عاملة ايه النهاردة
بعد 6 سنين : بامية تانى


لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين
: همم بكام ؟


لما يتفرجوا على فيلم
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة انا عايز الفيلم دة
بعد 6 سنين : انا رايح السينما , نامى انتى بقى


لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت


لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟


لما ييجى عيد ميلادها
بعد 6 اسابيع : معلش كان نفسي اجيبهولك الماظ
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟


فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى


وهى رايحة للدكتور


بعد 6 اسابيع : حبيبتي قولىبى قبلها عشان اعمل حسابي فى الشغل
بعد 6 شهور : خدى مامتك ولا حد من صحابك
بعد 6 سنين : دكتور دكتوووووووور .. مانتى زى البمب اهو


المولود الاول : زى القمر .... شبهك
المولود التانى : شبه اخوه
المولود التالت : ياريت تخللى بالك المرة الجايه

شكرا

نحن لا ننكر انا هذا الكلام يحدث فعلا

علي الرغم من ذلك
هنقول ان دا استثناء من قاعده عامه

الانسان مهما عمل عمره ما هيكون في منتها السعاده الكامله
طوال الوقت
لان في ايه قرأنيه بتقول
(ولقد خلقنا الانسان في كبد)

يبئا الكلمه الحلوه او رد الفعل الكويس
هيا اساس كل شئ


توبيك هايل
جزاك الله كل خير

هههههههههههههههههه

انا ملاحظ انى كل ما اعمل موضوه تهريج كله بيرد ولما اعمل موضوع دينى او سياسى محدش بيعبرنى ليه

ههههههههههههههه

مشكوورين على المرور الكريم

طيب ديني وممكن نرد
انما سياسي انت عارف
انت ليك كام ملف في امن الدوله
احنا بنخاف علي نفسنا

هههههههههههههههههه اوك يا اخت فيروز يعنى انا بقيت مسجل خطر بسبب المنتدى ده ماشى حسبى الله ونعم الوكيل

هههههههههههههههههههههههههههه