افهمها زي ما تفهمها

افهمها زي ما تفهمها

مجلس الشوري
مجلس الشعب
اكثر من 10 ساعات حريق
كله ولع
كله راح
كله ضاع

سيبك من الورق والكلام الفاضي دا هما اصلا مش بيقدموا ولا بياخروا
كله متكمبوتر

هيبه البلد ضاعت
اقصد ما تبقي لها من هيبه
دا اصغر مول تجاري في مصر فيه نظام اطفاء تموتيكي
لكن اكبر واهم مبينين في مصر
شغالين بلدي
احمر علي ابوه يا بطيخ

مش فالحين بس الا في من يوافق يتفضل برفع يده
منافقه
منافقه
نظام عد بلدي برضه مش تيموتيكي


واحد قالي ياعمنا اللي حصل حصل
دا قدر
ونصيب

الحمد لله
اللهم لا شماته

بس الفضائيه المصريه
القناه الرسميه المصريه علي الدش
والحريقه شغاله وملهلبه
ولا اكنهم حاسيين

وكل القنوات التانيه جايبين مباشر
ياخبتنا التقيله

ساعتها اتمنيت امنيه
مش عارف حكون ظالم ولا امنيه بريئه

اتمنيت
ان يكون رئيس الجمهوريه ورئيس الوزراء والوزراء كلهم وكل اعضاء مجلسي الشعب والشوري حكومه ومعارضه
مجتمعين داخل المجلس عشان لما يولع كان ولع بيهم
ونخلص منهم كلهم
راس الحيه
وتعابينه
واللي بيداروا عليهم
واللي مش عارفين يقولوا لهم بم

كانت النار اخدت حقنا
في قطار الصعيد
كانت اخدت حقنا
في العباره
كانت اخدت حقنا
في قطار مطروح
كانت اخدت حقنا
في صفر المونديال
كانت اخدت حقنا
الخصخصه الفاشله
كانت اخدت حقنا
في غلاء الاسعار
كانت اخدت حقنا
اهدار المال العام
كانت اخدت لينا حقنا من كل اللي عملوه في حياتهم

مجرد امنيه

ياريت تتمني معايا

اولا
انا بجد بحييك علي
1-شجاعتك
2-جرئتك في الحوار
3- اسلوبك

وبصراحه توبيك هايل

بس انا ليا تعليق بسيط
اتمني انك تتقبله بصدر رحم

انا عوزاك تراجع التوبيك تاني
وهتلائي انه في كلام ملوش اي لازمه

تعمله delete
وطبعا دا وجهة نظر


بس بجد توبيك هايل
اقولك بارك الله فيك
وجزاك كل خير

طبعا انتى صح اوك

ياجامد يا رايق
موضوع حساس اوى

اولا شكرا للاخت فيروز على التعليق بتاعها وانا مكنتش فاكر انا حد هيفهم الجمله الاخيره هههه

يا عم متقلقش فى اخت محاميه فى المنتدى ان شاء الله هتعمل معايا واجب وتجيبلى عيش وحلاوه (بحبها طحينيه ويا ريت تكون رشيدى الميزان هههههههههه)

خادم الاسلام كتب:

اولا شكرا للاخت فيروز على التعليق بتاعها وانا مكنتش فاكر انا حد هيفهم الجمله الاخيره هههه

الحمد لله طلعنا بنفهم
ههههههههههههههه

ومفيش شكر ولا حاجه
احنا اخوات

خادم الاسلام كتب:

يا عم متقلقش فى اخت محاميه فى المنتدى ان شاء الله هتعمل معايا واجب وتجيبلى عيش وحلاوه (بحبها طحينيه ويا ريت تكون رشيدى الميزان هههههههههه)

حصل خير
انت في حماية الدوله

ههههههههههههههه

ايوه كده بقى لينا ضهر واللى له ضهر مينضربش على شاشته