المواطن المطحون

عشان انت مصرى

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عاملك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف


منقول

اولا توبيك هايل جدا

وفعلا الكلام دا موجود حقيقه
وفي ناس كتير بينطبق عليها كلام التوبيك


بس علي فكره المصري اينعم متهان
بس المصري عمره ما نقوله جاتك قرف
اطلاقا

لان مصر في حد ذاتها
ام الدنيا
بما فيها من مشاكل وظروف صعبه
وفيها الحب والحنان
(البلاد العربيه الاخري لازم بتنزل مصر)
لان بجد مصر فيها اشياء جذابه
مش بتكلم عن المنظر او المظهر انا بتكلم عن الداخل

بس علي فكره المصري فعلا متهان
احنا في مصر نملك اشياء لو قمنا بإستغلاها لاصبحت مصر من اغني الدول
ولكن العيب ان الاستغلال يمكن يكون موجود بس نقول بئا مش لحساب المصريين
ولكن لحساب....................

لذلك المصري دايما حقه ضائع ونتيجه ضياع هذا الحق

يقال له جاتك قرف


اتمني ان تصبح مصر الافضل في كل شئ
وان يحيا المصريين اجمل وافضل حياه
وان نتمتع بخيرها

اتمني ذلك

توبيك هايك
جزاك الله خيرا
thanks

احنا ممكن نلغى (مش انت اللى مصرى؟؟؟ جتك القرف) ونكتب بدلها مش انته اللى سلبى جتك القرف

مشكووووووووووورين على المرور

كلام جميل بجد

شكرا علي التوبيك الهايل ده

مشكوووور يا مان