هبدا انا بموقف تقريبا كلنا بنتعرضله فى المواصلات العامة
كنت مسافر وراكب عربيه ميكروباص ورايح بلد فى كفر الشيخ ( بدون ذكر اسمها)
الكرسى فى الميكروباص بياخد 3 ركاب
انما التباع دماغه يركب اربعة
وطبعا كان الجو حر جدا وحاجة تخنق
***ياعم يهديك يرضيك الجو حر ومش طايقين هدومنا
لا مليش دعوة انا بركب اربعة فى الكرسى دة
**يا عم انجز ما انت بتلهف الباقى ومحدش بيكلمك على البريزة اللى بتاخدها
لا مش همشى الا لما يبقو اربعة فى الكرسى
*** كان اخويا راكب معايا وكبرت فى دماغنا بقى مفيش حد رابع هيركب
وفعلا العربية مشت من غير راكب رابع فى الكرسى
بس كل دة مش اللى كان غايظنى بقى
اللى كان غايظنى ان واحد راجل كبير ومحترم طول بعرض ولابس جلبيه ولافف ملاية سرير على راسه وعامل فيها شيخ بلد
شايفنا واحنا بنتخانق مع السواق ان مينفعش يركب واحد رابع
ودة ولا كانه شايف وداخل عايز يركب رابع
طب دة والنبى تعمل معاه ايه
دة بيخليك تقول ان العيب مش في السواق ولا التباع الطماعين
العيب فى الجهل بتاع بعض الناس
ليه تزنق نفسك وتزنق الناس ما دام فيه عربيات تانية كتير ممكن تركب فيها مرتاح
حاجة تشل
السبت أغسطس 16, 2008 12:48 am
