الـــفـــول واللـــــــــــــــحمه ( احمد فؤاد نجم )

عن موضوع الفول واللحمة صرح مصدر قال مسئول

ان الطب اتقدم جدا والدكتور محسن بيقول

ان الشعب المصري خصوصا من مصلحته يقرقش فول

حيث الفول المصري عموما يجعل من بني ادم غول

تأكل فخده في ربع زكيبه والدكتور محسن مسئول

يديك طاقة وقوة عجيبة تسمن جدا تبقى مهول

ثم اضاف الدكتور محسن ان اللحمه دي سم أكيد

بتزود أوجاع المعدة وتعود على طولة الايد

وتنيم بني ادم وتفرقع منه المواعيد

واللي بياكلوا اللحمة عموما حيخشوا جهنم تأبيد

يادكتور محسن يامزقلط يامصدر ياغير مسئول

حيث ان انتو عقول العالم والعالم محتاج لعقول

مارأى جنابك وجنابهم فيه واحد مجنون بيقول

احنا سيبونا نموت باللحمة وانتو تعيشوا وتاكلوا الفول

مارأيك ياكابتن محسن مش بالذمة كلام معقول

هههههههههههههههههههه
كويس انها وصلت لكدا
كمان شويه هيقولو الاكل حرام.......صوم علشان تدخل الجنه

سبحان الله
مش عارفين يعملو في بني ادم ( المصريين)ايه اكتر من كدا

بس نرجع نقول خايفين علينا وعلي صحتنا هههههههههههههه

توبيك رائع بجد
بارك الله فيك

اكيد طبعا ربنا يستر علينا من الايام اللي جايه بصراحه

شكرا يافيروز علي ردك واهتمامك

هههههههههههههههههه هوه ده الكلام انته جامد من الاخر