بصوا بقى يااحلى شباب انا انهاردة لاقيت موضوع ممكن يعجب البعض فيكم هو مفيد
شوية كدة وحجيبلكم النسخة التانية
بس حتبقى للبنات فقط فانتم متدخلوش علشان دى اسرار
والبنت اللى حعرف انها دخلت هنا وانا قايلة للولاد فقط حقطعها
عايزها تموت فيك اعمل كدة
اولا
بص ياسيدى اكتر حاجة البنت تحبها انك تقولها بحبك
دى اكتر حاجة بتاثر فيها يعنى مش تقول مانا قلتهالها من يومين
على قد ماتقدر قولهالها لو كل يوم قولهالها
ثانياهتستغرب شوية بس معظم البنات بيحبوها وهى انك تبقى مجنون معاها مش بتشد فى شعرك يعنى قصدى انها تعيش معاك لحظة مجنونة
عارف احمد السقا فى افريكانوا لما رمى نفسه وقالها بحبك اهه ده اللى انا قصدى عليه بس مش ترمى نفسك يعنى
ثالثا
اللى معظمكوا بيغلط في اوعى تكلم عنها مع صحابك لان ده اوقات بيضايقها لانها ممكن تكون عايزة كلامكوا سر بينكم
هى طبعا مش مبطلة حكاوى عنك مع صحبتها انتم عارفين البنات بئى
بس برده مافيش بنت بتحب كلامها معاك يوصل لحد و للشباب بالذات خلى بالك
رابعا
انت كنت لسة بتقابلها ولسة سايباك مافيش 10 دقايق كلمها قلها وحشتينى هاموت واشوفك وانت طبعا ماصدقت سبتها وخلصت من كلامها الكتيربس برده كلمها
خامسا
وانت بتكلمها اوعى تنزل عينك من على عينها هى هتبقى هتموت من الكسوف اكيد بس برده خليك باصص لعنيها وهى بتكلمك ووانت بتكلمها
سادسا
حاول لو فى حاجة اول واحدة تاخد رايها هى علشان تحس باهتمامك بيها وان رايها يهمك
سابعا
اى بنت بتحب اللى بتحبه يكون بيغير عليها بس مش الغيرة اللى تخنق حسسها انك بتغير عليها يعنى هتخرج قولها مش تتاخرى وقفت كلمت حد من زمايلها فى الكلية قلها مش تزودى فى كلامك معاهم كده يعنى حسسها انك خايف عليها
ثامنا
لو زعلت منك وانت غلطان اوعى تسكت افضل وراها صدقنى لو قالتلك سيبنى هى عايزاك تتكلم وتكمل وتتحايل عليها اكتر علشان تحس انك خايف على زعلها وافضل ابعتلعا فى مسجات تقولها انك مش كنت تقصد وانك بتحبها وخليك وراها لكن لو مش انت اللى غلطان اتقل شوية بس مش تتقل اوى يعنى اخرك يوم واقل كمان علشان هى ممكن تفتكرك ما صدقت
تاسعا
حاول تخلى لحظاتك معاها رومانسة باى طريقة يعنى تديها ورده تعمل اى حاجة بس تخلى مقابلتك معاها مش تتنسى
عاشرا
افضل وراها لغاية ماتقلك بحبك لو مش كانت بتقلهالك كتير بس مش تكتر اوى علشان البنات بيتكسفوا من الكلمة دى موووووووت يعنى من الاخر مرة وقلها انا عايز اسمعها منك
واخيراااااااااااااااااااااااااا
يوم عيد ميلادها الساعة 12 ودقيقة تكون باعتلها تقولها كل سنة وانتى طيبة
وانت بتكلمها فى مرة قلها عايز اسمعك حاجة وشغلها اغنية وقولها دى بتعبر عن اللى جوايا واطلب منها انها هى كمان تسمعك اغنية توصف اللى هى حاسة بيه من ناحيتك هى كمان
واخيرا بقى اللى قريتوا فى الاول دة انك تقولها بحبك كتير انا كا بنت عندى اعتراض علية لان فى بنات كتير تحب انك تثبتلها انك بتحبها من غير ماتقعد تقولها بحبك وكمان كدا هتتقل عليك
الإثنين أغسطس 04, 2008 1:23 pm
