مراتك......ولا......شغلك

كل نساء العالم يتهمن أزواجهم بأنهم بيحبو الشغل أكثر منهم
وأنا اصالة عن نفسي ونيابة عن الرجال أعترف بأن هذا صحيح...صحيح..صحيح ليه....؟؟؟؟؟؟؟
لي أسبابي ومبرراتي التي أرجو منكم التفكير فيها بعين العقل :

أولا الشغل بيصرف عليّ ....
بس مراتى أنا اللي أصرف عليها

ثانيا في الشغل ممكن تزعق براحتك و زعيقك يجيب نتيجة.
مع مراتك صعب انك تزعق براحتك ومهما زعقت مش هيجيب نتيجة

ثالثا ممكن تزوغ من الشغل في أي وقت من غير ماحد ياخد باله أو حد من الزملاء يغطيك
أنما تزوغ من مراتك هيهات ..أنسى

رابعا في الشغل عندك مدير ممكن ترضيه لو اشتغلت كويس
إنما مراتك لو عملت قرد حمار أي حاجة مش ممكن ترضيها !!!

خامسا.في الشغل من حقك تاخد أجازه...عندك عارض واعتيادي
دا غير يوم الجمعه والعطلات الرسمية بصراحة الشغل خفيف ع القلب
أنما مع مراتك.مش ممكن تاخد أجازه بالعكس دانت لازم تلزق فيها يوم إجازتك و إلا يبقى نهارك مالوش ملامح لك أجازه واحده فقط طويلة جداً

سادسا في الشغل ممكن تترقى و تاخد منصب بيه وباشا كمان ويبقى لك مكتب لوحدك و مراسل و سكرتيره خاصة والكل يضرب لك تعظيم سلام
في البيت هاتعيش زوج وتموت زوج واللقب الوحيد اللي ممكن تاخده لما تنادى عليك مراتك وتقولك يابابا أو .يا حاج ولما تعجز.وتسلم ال ال تقولك يا بركه

سابعا الشغل لو زهقت منه ممكن تسيبه بدون مشاكل وبسهوله
أنما مع مراتك..لو روحك طلعت لازم تحط ف بقك كوتش وتفكر مليون مره في المحاكم والمؤخر و النفقة.. والعيال

ثامنا في الشغل لو سبته أو بلغت سن المعاش بتاخد مكافأة كبيره ومعاش...وحفله تكريم
أما مراتك لو سبتها قبل ما تموت أنت اللي هاتدفع مكافأة ومؤخر ونفقه......وشقه كمان وتتحبس لو مادفعتش

تاسعا ممكن تغير شغلك وتتنقل لغيره لو لقيت شغل أحسن منه في حين أنك طوووول الوقت بتشوف بنات أحلى ميت مره من مراتك
بس ماتقدرش تغيرها .ظلم

عاشرا. في الشغل متأمن عليك عشان لو حصل لك حاجه
ولو حصل لك حاجه .مراتك هي اللي هاتقبض التأمين

في النهاية بتحب مين أكتر...مراتك ولا شغلك ؟؟

بصراحه الشغل مفروض عليك لانك اكيد مش هتلاقي شغل الايام دى يعنى
اى وظيفه هتمسك فيها بسنانك
انما العروسه كتير اى تقدر تلاقي عروسه مناسبه وبصراحه كترهم يقل منفعتهم
وان كنت بفضل انى اموت ولا اتجوز بس هقول ايه اكيد هختار المكان اللى هكون فيه سي حسن
ههههههههههههه ال سي حسن ال.

هههههههههههه

ونسيتو كمان ان

فى الشغل بتاخد علاوات وحوافذ ومكافات على مجهودك

انما فى البيت مش هتلاقى غير كلمة واحدة

ياخى بلا نيلة دة انت مدوقنى المر

ياسلام ده على اساس انكم يعنى ياما هنا ياما هناك والبنات مرمية قدامكم
ومستنيين نظرة رضا ههههههههههه بتحلمو !!!!

الاتنين طبعا مهمين الشغل والبيت

يا باشا الشغل طبعا انما البيت ايه انت تقعد في فندق احسن ليك وبعدين تروح تلاقي كل حاجة متظبطة
مش تلاقي ريحة البصل في كل مكان ( علي اساس انها بتعرف تطبخ اصلا) وكل شوية هااااااااااات هاااااااات

واهديلكوا اغنية ماحلاها عيشة الحرية للمطرب .............
امممممممممممممم مش فاكر اسمة

انا هاخد بلكلام دة واحتمال
اعيش كدة كويس
انا هجيب لنفسي تعب القلب
وريح فين وجاي منين
مالها عيشت الحرية
واجابتي الشغل طبعا