سؤال هام للبنات فقط ؟؟؟؟؟؟؟؟؟؟؟؟؟

ما هي مواصفات فتى أحلامك ؟؟؟؟؟؟؟؟؟؟؟؟؟؟؟؟

إلى العضوة الجميلة نونا
قرأت السؤال أعلاه ولكن لي تعقيباً عليه أو وهو أنه كان حري بك أن تتحدثي أنت عن المواصفات العقلانية لفتى أحلام الفتاة وتوجيه الفتاة إلى ان يكون عقل الفتاة هو مصدر إختيار الفتى قبل قلبها هذه وجهة نظر وكما تعلمين أن الإختلاف في الرأي لا يفسد للود قضية وأخيراً أشكر لكي ما تطرحينه من موضوعات جميلة تستحق التعليق متمنياً لكى دوام التوفيق
المستشار العام

علي فكرة انا معترض علي كلمة مواصفات بتحسيسني انك
هتعملي حاجة تفصيل هتصنعيها
ومع الاسف مش هتبقي كاملة المواصفات
لازم يكون هناك عيب حتي لو كان عيب غير ظاهر
فكلمة مواصفات كبيرة جدا ارجو تغيير ها

هنبدأ بيكى الاول وتقدرى تقولى ايه موصفات فارس احلامك

اولا بالنسبة لاقتراح سيادة المستشار
احب اقولك ان لكل فتاه مواصفات معينة فى فتى احلامها وبالتاكيد تختلف هذه المواصفات من فتاه لاخرى
واكيد مواصفاتى اللى اتمناها فى فتى احلامى تختلف بالطبع عن المواصفات اللى تتمناها فتاة اخرى

بالنسبة للمواصفات العقلانية لفتى احلام الفتاة اقدر اقولك انها بتختلف باختلاف ظروف كل فتاه واخرى
يعنى البنت الحلوة اللى ضروفها الاجتماعية والمادية كويسة حتتمنى مواصفات تليق بالنسبة لها اكتر من فتاة اخرى لاتمتلك هذه المواصفات

يعنى خلاصة قولى انى مقدرش اضع مواصفات معينة او ثابتة لفتى الاحلام بالنسبة لكل الفتيات

واحب اوضح برضه ان العقل طبعا هوه اللى بيختار المواصفات لكن اوقات كتير اوووى وده الغالب ان الانسان بيصادف فى حياته انسان ممكن ماتكونش فيه اغلب هذه المواصفات لكن فى الحالة دى القلب بس بيكون ليه كلمته

يعنى عاوزة اقول ان كل واحدة بتضع مواصفات بتتمناها لكن لما تحب ممكن تحب انسان مش موجود فيه هذه الصفات

والكلام ده عن تجارب ناس اعرفها

وبشكر سيادة المستشار العام جدا جدا جدا اللى خلانى استرسل فى الحديث واطلع اللى جوايا بدون مااشعر شكرا بجد على اقتراحك ومتابعتك

واتمنى انى مكونش طولت عليكم
وعلى العموم ده راى برضه ووجهة نظرى واللى عنده تعليق يتفضل يقوله

بالنسبة بقى لمهندس الكافيه
اولا انا مش حغير كلمة مواصفات
ثانيا انت برضه اكيد ليك ((مواصفات لفتاة احلامك)) ولكل الشباب
يعنى مواصفات دى مافيهاش اى مشكلة يعنى صفات بتتمناها فى فتاة احلامك
انت بتتمنى انها تكون موجودة فيها

وبعدين انا بعترض على جملة((بتحسيسني انك
هتعملي حاجة تفصيل هتصنعيها )) انا سؤالى مايصبش للمعنى ده خالص
حضرتك اللى بتفهم غلط ودى مش مسؤوليتى

اخيرا بقى انا ماقولتش انك حتختار مواصفات كاملة الكمال لله طبعا انت بتختار مواصفات تكون غالبة فى فتاة احلامك لكن مش مواصفات مثالية

واحب انوه لل باش مهندس والفت انتباهه ياريت نختار اسلوب افضل فى الحديث
وااعتقد ان انا مش اول واحدة الفت انتباهك للموضوع ده

وشكرا برضه لردك

بالنسبة للادمن صديقى
انا حبدأ بنفسى واقول مواصفات فتى احلامى
انه يكون طموح ومكافح ذو شخصية قوية واكيد طبعا متدين
يحترم السيدات ويجيد التعامل معهن
وانه يكون واثق فى نفسه وانى اكون مرتحاله واثق فيه
ولو توافرت هذه الصفات انا ممكن اتغاضى عن الشكل

بس مواصفات بسيطة جداا

اسمحى لى حبيبتىان اقول راى
عن تجربه
مهما كانت مواصفاتك لفتى احلامك فصدقينى لابد اولا ان تكون النيه لله تعالى ان يكون زوجا صالحا مخلصا فاذا كانت لله تعالى فستنولين ما تريدينه
على فكره حبيبتى اذا دعوت الله تعالى ولا تنسين ان تكون النيه لله والعمل والزواج لطاعه الله فان الله قريب مجيب دعوه الداعى اذا دعان فسبحانه اذا ارادلشىء ان يقول له كن فيكون
فستأخذى ما تريدين
انا اسفه للاطاله
وشكرا لكى حبيبتى

اما بالنسبه الى مواصفات فتى احلامى
ان يكون حافظا للقران
ان يكون داعيا لله ورسوله
ان يتقى الله فينى

ان يكون على قدر من العلم والمعرفه لان هذا مهم لى جدا
ان يكون رجلا بمعنى الكلمه
وانه يكون بيحبنى وهذا شى ء مهم
ان تكون حالته الماديه جيده
هذا ما كنت اتمناه وكنت دائما ادعى لله فى كل وقت ان يكون زوجا صالحا مخلصا لى
كان هذا هو فتى احلام

فسبحان الله فجاء لى ما انا اتمناه
ليس كل ما اتمناه
وهذا فضل من عند الله لان الله مقدر كل شى
ولابد ان ينقصكى شىء حتى تحسى بعظمه الله وقدرته
وتشكريه وتحمديه انه استجاب لدعائى

فالحمد والشكر لله
فالحمد والشكر لله والله اكبر على كل شىءوهو القادر عليه
شكرا لكى حبيبتى وانا اسفه على الاطاله

الحمد لله على ما رزقك به الله ادام الله نعيمه عليكى

امين يا رب العالمين
والله هذا فضل من الله على
وعسى ان اكون عبده شكوره له

شكرا لك اخى حسن
ويارب يرزقك الله بزوجه صالحه مخلصه لله تعالى ثم لك

توبيك هايل يا نونا
احييكي عليه
وانا هقولك ايه المواصفات
اتمنها ان تكون فيه ان شاء الله
1-يكون انسان طيب ومحترم
2-هادي
3- رومانسي
شكرا نونا علي طرحك للسؤال

حراااااااااااااااااااااااااااااااام
حررررررررررررررررررررررام
انا هموتك ده يعنى ماشى
رومانسى ماشى ياعم الرومانسى

انا متشكرة ليكم كلكم على متابعتكم وردودكم
بالنسبة للاخت توته كل شئ فى حياتنا بنعمله او بنتمناه لازم النية تكون لله
انا عن نفسى بكون كده وبشكرك على ذوقك فى الرد
وبشكر فيروز اووى واشكر ليكم متابعتكم

ربنا يوفق كل واحدة فيكو ا
بلتتمناه اللهم امين

لا اكيد عاوزين نعرف يامصطفى المواصفات بتاعتك
ولو ان الموضوع لمواصفات فتى الاحلام مش فتاة الاحلام
بس طبعا انت استثناء اكتب اللى انت عاوزه

طبعا مواصفات كويسة جدا لكن اكيد فى حاجة ناقصة ممكن؟

يعنى دى مواصفاتك بس؟ايه التواضع ده يامصطفى

طمنتى يا مصطفى الله يطمنك
يعنى ناس كتير بتفكر التفكير الصح
ربنا يبارك فيك

يعنى اغلب الشباب بيدور على البنت الجميلة
او اللى وضعها الاجتماعى والمادى عالى يعنى جمال ومال وجاه

ده قصدى يامصطفى